11.5.07

Förum að ráðum Jóhannesar

Nú er Jóhannes í Bónus búinn að gefa línuna. Ég kaupi inn til heimilisins í Bónus og er Jóhannesi óendanlega þakklátur fyrir lágt vöruverð. Þetta lága vöruverð hefur gert mér kleift að nota restina af peningunum mínum í menningu, nýtt hljóðfæri og sinna ýmsum góðverkum. Ég vil geta þess sérstaklega að ég gaukaði hundraðkalli að rúmenskum harmónikkuleikara á Laugaveginum í vetur. Ég man hvað ég gladdist með öllum Héraðsbúum þegar fréttist að Bónus ætlaði að opna verslun á Egilsstöðum. Þá var kátt á hverjum bæ. Bónus hefur sannarlega auðgað mitt líf. Takk fyrir það og ég ætla svo sannarlega að fara að ráðum Jóhannesar. Það er líka búið að fara illa með hann og hans fyrirtæki síðustu misseri. Gangi honum vel.
Kv.
Konni

2 Comments:

Anonymous Nafnlaus said...

konni, NEEEEEEEIIIIII!

11 maí, 2007 14:00  
Blogger Konni kynlegi said...

Kæra Hildigunnur
Já, en Jóhannes er bara svo góður kall þó hann sé Sjálfstæðismaður og með óbeit á Birni Bjarnasyni. Ég sem hef reyndar alltaf verið svo hrifinn af Birni vegna þess að konan hans er mjög góður fiðluleikari.
Maður ætti bara að gauka einu atkvæði að Jóhannesi fyrir allt sem hann hefur gert fyrir okkur.
Reyndar var ég að spá í að fá mér Bónus-límmiða og líma yfir Björn Bjarnason á atkvæðasðlinum í stað þess að strika hann út.
Kær kveðja
Konni

11 maí, 2007 23:29  

Skrifa ummæli

<< Home